Qorxunc ənənə: Ölülərlə kabus evliliyi

Minghun və ya kabus evliliyi kimi tanınan ənənə əsrlər boyu Çində tətbiq olunur.

News24.az xəbər verir ki, ənənəvi nikahlardan fərqli olaraq, bu evlilik üçün həyat yoldaşlarından biri ölmüş olmalıdır.

İllərdir qadağan olunmasına baxmayaraq, Çinin bəzi bölgələrində bu rituallar hələ də icra olunur. 

Bu ənənə ilə bağlı təfərrüatlar isə eşidənləri heyrətləndirir. 

Minghun ənənəsi çox qədimdir. Bu, cütlüklərdən birinin və ya ikisinin öldüyü zaman icra edilən nikah növüdür. 

Bu ənənənin mənşəyi dəqiq məlum deyil. 3 min il əvvələ aid olduğunu söyləyənlər olduğu halda, eramızdan əvvəl 17-ci əsrdən tətbiq olunduğunu deyənlər də var.

Xüsusən də valideynlər üçün subay qız övladının olması həmin ərazidə biabırçılıq sayılır. Kişilər üçün nəslin davamını təmin etmək vəzifədir.

Ona görə də vəfat etmiş kişinin arvadı uşaq övladlığa götürə bilər. Beləliklə, ailənin nəsli davam edir. Digər səbəb isə kiçik qardaşın böyükdən əvvəl evlənməməsini təmin edir.

Şanxay Universitetindən Huang Jingçun "Kabus evliliklərinin arxasında duran əsas fikir, bunun sayəsində ölən insanın axirətdə də yaşamağa davam etməsidir" deyib. 

Bəzən bir qadının nişanlısı vəfat etdikdə, o, kabus evliliyində iştirak etmək üçün kişinin dəfninə qatılmalı, subaylıq andı içməlidir. Kişilər üçün belə bir qayda yoxdur.

Kabuslarla evlənmə həm toya, həm də yas mərasiminə bənzəyir. İştirakçıların ailələri bir-birlərinə tort, paltar və pul da daxil olmaqla hədiyyələr verirlər.

Mərhum toyda bambukdan hazırlanmış heykəllərlə təmsil olunur. Heykəllərə cinsiyyətə aid olaraq bəy kostyumu və ya gəlinlik geyindirilir. Mərasimdən sonra bu paltarlar adətən yandırılır.

Ölən kişi kişidirsə, canlı qadınla kabus nikahları nadir hallarda edilir. Ümumiyyətlə qadın meyitlərindən istifadə edilir və bu meyitlər mərasimdən sonra kişinin yanında basdırılır. Bu adətə görə qadınların cəsədlərinin qəbirlərindən oğurlanması ilə bağlı çoxlu məlumatlar var. Hətta qadın meyitlərinin qara bazarından da danışılır.

Kabus evliliyinin başqa bir növü, axirətdə tək qalan insanın ruhunun istəyi ilə həyata keçirilir. Ruh ailə üzvlərinə yuxularında özünü göstərir və ölü qızla evlənmək istədiyini bildirir.

Bundan sonra ailə iki ölü ilə evlənmək üçün kabus kimi bir toy təşkil edir.

Digər səbəb isə kiçik qardaşın böyük qardaşından əvvəl evlənməsinin qarşısını almaqdır. Bu, böyük qardaşının ruhunun rüsvay olması deməkdir. Bunun qarşısını almaq üçün kiçik qardaşın toyuna az qalmış mərhum qardaş üçün bu tip nikah təşkil edilir.

Məlumdur ki, bu evlilikləri təşkil edən bəzi Taoist keşişlər var. Ailələr tez-tez bu insanlara müraciət edirlər.

Çin yazıçısı Yangsze Choo 2013-cü ildə nəşr olunan romanında bu kabus evliliyinin prinsiplərini əsas müddəa kimi istifadə edib və kitab "New York Times"-da bestseller oldu.

"Netflix"-də "The Ghost Bride" adlı serialın əsası bu ənənəyə əsaslanır. /Haber Global