İtkin düşən turistlərlə bağlı açıqlama: 40 saat vaxt qalıb

Mütəxəssislərin fikrincə, Atlantik okeanının sularında yoxa çıxan "Titan" sualtı avtonom gəmisinin ekipajı daha 40 saata yaxın hava ehtiyatına malikdir.

News24.az xəbər verir ki, bu barədə ABŞ Sahil Mühafizəsinin şimal-şərq bölməsinin nümayəndəsi Ceyson Frederik deyib.

“Hazırda bizim 40-41 saat vaxtımız var”, - o bildirib.

Qeyd edək ki, sualtı qayığın yoxa çıxdığı ərazi ABŞ-ın yurisdiksiyasında olduğu üçün axtarış əməliyyatlarına ABŞ Sahil Mühafizəsi rəhbərlik edir.

Xatırladaq ki, turistləri "Titanik"in qəzaya uğradığı yerə aparan sualtı qayıq dünən Atlantik okeanında itib.