Evdə dodaq dolğusu təklif edilərsə, imtina edin - HƏKİM

“Evdə özbaşına dodaq böyütmək üçün inyeksiyaların istifadəsi olduqca təhlükəlidir. Bu, yalnız infeksiya təhlükəsi deyil, həm də ölümcül nəticə deməkdir. Bu iynələr dünya bazarlarında getdikcə daha çox satılır”.

News24.az xəbər verir ki, bunu rusiyalı dermatoloq Natalya Yakovleva deyib.

“Hər ağlı başında olan insan başa düşür ki, bu, tibbi təhsili və müvafiq ixtisası olan şəxs tərəfindən təhlükəsiz şəraitdə, sertifikatlı və sübut olunmuş dərmanlarla həyata keçirilməli olan tibbi prosedurdur. İlk dəfədir ki, belə bir xidmətin klinikalardan kənarda mövcud olduğunu eşidirəm. Əlbəttə ki, bu, qeyri-qanuni ticarətdir, çünki doldurucuları ehtiva edən tibbi dərmanlar ya apteklərdə, ya da tibbi məhsulların ixtisaslaşmış distribyutorlarından satılır. Əgər bir mütəxəssisin tibbi təhsili varsa, lakin sizə proseduru evdə həyata keçirməyi təklif edirsə, ondan imtina edin. Bu, şübhəsiz ki, yaxşı bir şeyə səbəb olmayacaq”,- deyə ekspert yekunlaşdırıb.

Arzu