Xaçmazda avtomobillə motosiklet toqquşub, ölən var

Xaçmaz rayonunda ağır yol qəzası baş verib.

​News24.az​​​-ın məlumatına görə, hadisə rayonun Müqtədir kəndində qeydə alınıb.

Belə ki, "Mercedes" markalı minik avtomobilinin motosikletə çırpılması nəticəsində sonuncunun sürücüsü rayon sakini 1989-cu il təvəllüdlü Qaibxanov Turac Həsrətulla oğlu aldığı xəsarətlərdən yerindəcə ölüb.

Onun meyiti müayinə olunması üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Xaçmaz rayon şöbəsinə təhvil verilib.

Faktla bağlı araşdırma aparılır.