Türkiyə yeni zirehli maşınını bu tarixdə təqdim edəcək

Türk müdafiə sənayesi daxilində inkişaf etdirilən EJDER KUNTER II 4X4 zirehli maşını ilk dəfə 16-cı Beynəlxalq Müdafiə Sənayesi Sərgisində (IDEF 2023) yeni dizaynı ilə təqdim ediləcək.

News24.az xəbər verir ki, bu barədə Anadolu Ajansı məlumat yayıb. 

Türkiyənin zirehli maşın istehsalçısı Nurol Makina iyunun 25-də İstanbulda keçiriləcək IDEF 2023 sərgisində son zamanlar inkişaf etdirdiyi və istehsalını davam etdirdiyi bir sıra zirehli maşınları nümayiş etdirəcək. 

Avtomobilin universallığı sərgidə nümayiş etdirilən müxtəlif konfiqurasiyalar və missiya modulları vasitəsilə nümayiş etdiriləcək.