Priqojinin adı daha bir cinayət hallandı

Yevgeni Priqojin 20 il əvvəl Sankt-Peterburq sakininin ölümündə əli olmaqda şübhəli bilinir.

News24.az xarici mətbuata istinadən xəbər verir ki, bu barədə “İzvestiya”ya Dmitri Sokolovanın yaxınları məlumat verib.

Onun valideynləri bildirib ki, oğulları Priqojinlə sahildə bir yerdə olublar, daha sonra isə Sokolov öldürülmüş vəziyyətdə tapılıb.

“Onlar görüşdülər, daha sonra mübahisə etdilər və onu nərdivandan itələdi. Onu xilas etmək üçün heç bir tədbir görmədi",deyə Dmitrinin atası Valeri Sokolov.

Mərhumun valideynləri 2004-cü ilin yayında Dmitri Sokolovun yoxa çıxdığını bildiriblər.

Ölən Dmitrinin valideynləri hesab edirlər ki, Priqojinin mühafizə xidməti gəminin işçiləri ilə işləyib. Eyni zamanda, həmin illərdə gəminin kapitanı olmuş Anatoli Batov komandanın tərkibində yalnız keçmiş təhlükəsizlik orqanlarından olan peşəkarların olduğunu, ona görə də gəmidə demək olar ki, heç bir insident yaşanmadığını bildirib.

Qeyd edək ki, cinayət işinin başlanması rədd edilib. Eyni zamanda, mərhumun valideynləri əmindirlər ki, ilk anlardan işi susdurmağa çalışıblar, ona görə də araşdırma aparılmayıb.