İstirahət mərkəzində uşağı elektrik cərəyanı vurdu

Krasnoarmeyski rayonunda, Novomışastovskaya kəndindəki "Kapustyanaya Balka" istirahət mərkəzində uşağı elektrik cərəyanı vurub.

News24.az xəbər verir ki, bu barədə Rusiya İstintaq Komitəsinin Krasnodar diyarı üzrə  İstintaq Komitəsi məlumat yayıb.

Mərhum qızın yaxınlarının verdiyi məlumata görə, o, nənəsi, anası, böyük qardaşı və ailə dostları ilə düşərgədə dincəlirmiş.

"Uşaqlar hovuzda üzüb top oynadılar, oyuncaq yan tərəfə düşüd. Qız topun arxasınca qaçdı və bu zaman açıq canlı naqillərə toxundu", deyə yaxınları bildirib.

Hadisə yerinə təcili yardım çağırılıb və zərərçəkən hadisə yerində dünyasını dəyişib.

Azyaşlının ölümü ilə bağlı aparılan istintaq çərçivəsində istirahət mərkəzinin sahibi olan 48 yaşlı iş qadını barəsində cinayət işi başlanıb.