Vuçiç Priştinanı ittiham etdi: Belqrad və NATO arasında...

“Kosovonun baş naziri Albin Kurti Serbiya ilə NATO arasında silahlı toqquşmaya can atır, rəsmi Belqrad bütün gücü ilə sülhü qorumağa çalışır”. 

News24.az “RİA Novosti”-yə istinadla xəbər verir ki, bunu Serbiya prezidenti Aleksandr Vuçiç “Prva” telekanalının efirində bildirib.

“O, (Albin Kurti - red.) dediyi mənasız şeylərə haqq qazandırmaq istəyir və Serbiyanı NATO ilə münaqişəyə sürükləmək istəyir... Biz bundan qaçmalıyıq”, - Serbiya lideri bildirib.

Vuçiçin sözlərinə görə, vətəndaşlar onu hərbi geyimdə görənə qədər narahat olmasınlar, Serbiya rəhbərliyi “oğulları tabutda analara qaytarmaq” istəmir.

“Buna görə də biz çox iş və enerji sərf edirik və bəzən Priştinadan gələn vəhşiliklərə susuruq, ona görə də zəifliyimizin əlaməti olduğu üçün deyil, məsuliyyətimiz və ciddiliyimizin əlaməti olduğuna görə yumşaq reaksiya veririk. Bunun nəticə verib-verməyəcəyini görəcəyik”, - Serbiya prezidenti vurğulayıb.

Eyni zamanda o, ordunun modernləşdirilməsi və təchiz edilməsinə milyardlarla avro sərmayə qoymaqla ölkənin müdafiə qabiliyyətinin gücləndirilməsinə işarə edib. Vuçiçə görə, Serbiyaya qurudan və ya havadan hücum “artıq oyuncaq deyil”, “onu həyata keçirmək indi 1999-cu ildə NATO təcavüzü zamanı olduğundan müqayisə olunmayacaq dərəcədə çətindir”.

Akqabay