68-ci mərtəbədə son selfisini çəkib ÖLDÜ

Hündür binalara dırmaşmaqla tanınan 30 yaşlı fransız sosial media fenomeni Remi Lusidi Honq Konqda yaşayış kompleksinin 68-ci mərtəbəsindən yıxılaraq ölüb.

News24.az "New York Post"-a istinadla xəbər verir ki, Honq-Konqda "Tregunter Tower" kompleksinə qalxan 30 yaşlı Remi Lusidi 68-ci mərtəbədən yerə çırpılıb.

İnternetdə Remi Enigma kimi tanınan Lusidinin hadisə yerində öldüyü müəyyən edilib.

Xəbərə görə, Lusidi binanın mühafizəsinə 40-cı mərtəbədəki dostuna baş çəkməyə gəldiyini deyib.

Təhlükəsizlik görüntülərinə görə, Lusidi liftlə 49-cu mərtəbəyə qalxıb, daha sonra pilləkənlərlə binanın yuxarı hissəsinə çıxıb.

Aydan