ABŞ Ukraynaya yeni silah paketi göndərəcək

ABŞ-ın dövlət katibi Entoni Blinken bildirib ki, ABŞ Ukrayna ordusuna 200 milyon dollar dəyərində yeni silah paketi göndərəcək.

News24.az "Russian.rt"-yə istinadla xəbər verir ki, Blinken verdiyi açıqlamada ABŞ-ın Ukraynaya hava hücumundan müdafiə sursatları, artilleriya, minatəmizləmə vasitələri və tank əleyhinə silahlar tədarük edəcəyini bildirib.

Ukraynanın ABŞ-dakı səfiri Oksana Markarova bir müddət əvvəl qeyd edib ki, Ukrayna hakimiyyətinin heç də bütün nümayəndələri Vaşinqtondan dəstəyin əbədi olaraq veriləcəyinə əmin deyillər.

Aydan