Zaxarova NATO-ya cavab verdi: "SAXTAKARLIQ"

“NATO-nun qərargah rəisi Stiyan Yensenin Ukraynanın alyansa qoşulma ehtimalı ilə bağlı bəyanatı müəyyən siyasi məqsədlər güdən saxtakarlıqdır”.
 
News24.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova bildirib.
 
Diplomat Yensenin Ukraynanın işğal olunan əraziləri Rusiyaya verməyə razılaşacağı təqdirdə NATO-ya üzv ola biləcəyi ilə bağlı bəyanatına diqqət çəkib. Qərargah rəisinin fikrincə, həll yolu Ukraynanın bu ərazilərindən imtina etməsi və əvəzində NATO-ya üzvlüyü ola bilər.

“Söhbət bir növ yönəltmədən və təşviqdən gedir. Bunun da müəyyən siyasi məqsədləri var”, - Zaxarova Yensenin açıqlamasını şərh edərkən deyib.

Rusiya rəsmisi qərargah rəisinin təklifini “saxtakarlıq” adlandırıb.
 
Ayşən