Hindistanda hava şəraiti nəticəsində 2 mindən çox insan öldü

Hindistanda mövsümi yağışların səbəb olduğu müxtəlif təbiət hadisələri nəticəsində son 4 ayda 2 mindən çox insan ölüb.

Newa24.az TASS-a istinadən xəbər verir ki, bu barədə Hindistanın Daxili İşlər Nazirliyi məlumat yayıb.

Ən çox ölüm hadisəsi Bihar və Himaçal-Pradeş ştatlarında qeydə alınıb (müvafiq olaraq 518 və 330 nəfər). Daşqınlar, sürüşmələr, ildırım çaxması və digər təbiət hadisələri nəticəsində 100-dən çox insan itkin düşüb, 1,5 min nəfər xəsarət alıb.