Qadağaya baxmayaraq girdiyi dənizdə İTKİN DÜŞDÜ

Sakaryanın Karasu rayonunda qadağan olsa da, dənizə girən 2 əcnəbi vətəndaşdan 1-i itib. 

News24.az Türkiyə mediasına istinadən xəbər verir ki, axşam saatlarında dostları ilə dənizə girən 28 yaşlı Əl-Zeydavi adlı şəxs bir müddət sonra yoxa çıxıb.

Ətrafdakıların xəbər verməsi üzərinə hadisə yerində çimərlik təhlükəsizlik, xilasedici, yanğın və polis qrupları göndərilib. Ekipajlar axtarış-xilasetmə əməliyyatına başlayıb.

Sahil Mühafizəsi Dalğıc qrupları Əl-Zeydavini suyun altında tapmaq üçün bölgədə genişmiqyaslı araşdırmaya başlayıb.

Qeyd edək ki, əlverişsiz hava və dəniz şəraiti ilə əlaqədar 3 rayonda saat 16.30-dan etibarən dənizdə çimmək qadağan edilib.

Günəş Mərd