Göygöldə ağır qəza - Ölən və yaralılar var

Göygöldə ağır yol-nəqliyyat hadisəsi baş verib.

News24.az  xəbər verir ki, qəza Göygöl-Toğanalı-Kəlbəcər yolunun Hacıkənd qəsəbəsi ərazisindən keçən hissəsində qeydə alınıb.

Belə ki, "VAZ-21015” markalı avtomobilin "KamAZ” markalı yük maşını ilə toqquşması nəticəsində bir nəfər ölüb, 3 nəfər isə xəsarət alıb.

Yaralılar (1998-ci il təvəllüdlü Tahirli Xalay, 1998-ci il təvəllüdlü Məmmədov Bayram və onların həmyaşıdı Hüseynli Elgün) xəstəxanaya yerləşdiriliblər.

Faktla bağlı araşdırma aparılır.