"Rusiyada düşmən axtarmayın!" - Zaxarova İrəvana SƏSLƏNDİ

“Rusiya Ermənistanın düşməni deyil və heç vaxt da olmayacaq”.

News24.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova “RİA Novosti”yə müsahibəsində bildirib.

“Moskvanın İrəvanın son sərt bəyanatlarına sərt reaksiyası onların yalana əsaslanması və ya faktları təhrif etmək cəhdi ilə bağlıdır. Biz o qədər də səs tonu və şəxsi təhqirlərə deyil, deyilənlərin altında yatan qeyri-dəqiqliyə fikir veririk. Ona görə də Ermənistan səfiri Xarici İşlər Nazirliyinə dəvət edilib”, - Zaxarova deyib.

“Bakının Qarabağla bağlı hüquqlarını tanıyan Rusiya deyil, Ermənistan rəhbərliyi bunu edib. Ermənistan xalqı bununla necə məşğul olacağına qərar verməlidir. Lakin İrəvanda qəbul edilən qərarlara görə məsuliyyəti Rusiyanın üzərinə atıb, günahlandırmaq lazım deyil. Rusiyada düşmən axtarmağa ehtiyac yoxdur. Rusiya heç vaxt Ermənistanın düşməni olmayıb və olmayacaq. Bu, heç vaxt olmayacaq”, - deyə o, vurğulayıb.

Akqabay