Mərkəzi Bankdan dollarla bağlı mühüm AÇIQLAMA

Bu gün Azərbaycan Mərkəzi Bankında (AMB) növbəti valyuta hərracı keçirilib.

News24.az  xəbər verir ki, bu barədə AMB məlumat yayıb.

Bildirilib ki, hərracda tələb 45.5 milyon ABŞ dolları təşkil edib və tam təmin edilib.

Qeyd edək ki, bu göstərici ötən hərracdan 71% çoxdur. Belə ki, 19 sentyabr tarixində keçirilən valyuta hərracında banklar 26.6 milyon dollar alış həyata keçirib. Hərracda manatın ortaçəkili məzənnəsi 1,7000 səviyyəsində formalaşıb.