Süni intellekt insanları işsiz qoyacaq - ARAŞDIRMA

Süni intellekt ChatGPT ilə pandemiyadan daha sürətli və daha tez dünya gündəminə daxil oldu. Texnologiya dünyasının sirli və rəqəmsal dəhlizlərində illərdir inkişaf etdirilən süni intellektin kiçik bir hissəsi olan ChatGPT hər kəsin istifadəsinə verildi. 

News24.az xəbər verir ki, süni intellekt bizi işsiz, funksiyasız və emosiyasız qoyacaq  deyə, şayiələr sosial mediada, televiziya və qəzetlərdə bir nömrəli gündəm mövzusuna çevrilib.

Əlbəttə ki, hər bir böyük texnoloji irəliləyiş viral yayılma surətinə malikdir. 

Süni intellektin qabiliyyəti və sürəti əvvəlkindən qat-qat yüksək olduğundan, onun yaratdığı qorxu əvvəlkindən daha çoxdur.

Bu niyə belədir?

Bəşəriyyət süni intellektdən niyə bu qədər qorxur?

Bəşəriyyətin ondan əvvəl tapdığı və geniş şəkildə istifadə etdiyi və həyata uyğunlaşdırdığı elektrik, kompüter, internet, mobil cihazlar və s. onların heç biri insanın müdaxiləsi, təsdiqi və təsiri olmadan özbaşına hərəkət edə bilməzdi. Lakin, süni intelekti insan müdaxiləsinə ehtiyacı yoxdur.

Buna görə də biz əvvəlki inqilabi texnologiyalardan fərqli və daha vacib bir narahatlıq içindəyik.

Süni intellekt insan zəkasını təqlid edən, problem həll edən və məlumatların təhlili imkanlarını təklif edən kompüter elminin bir sahəsidir

Süni intellektin növləri və fərqləri

Dar Süni İntellekt 

Bu, yalnız müəyyən bir tapşırığı yerinə yetirə bilən ixtisaslaşmış süni intellektdir. O, təsvirin tanınması, təbii dilin işlənməsi, səs əmrləri və şablon uyğunluğu kimi ixtisaslaşdırılmış sahələrdə üstündür. Avtomatlaşdırma, məlumatların təhlili və tövsiyə sistemləri kimi sahələrdə effektivdir. Bu, biznes proseslərini sürətləndirir, xərcləri və səhvləri azaldır. ChatGPT, Open AI, Midjourney, Siri və Google Translate, Bard, Bing əsasında müxtəlif proqramlar bu növ süni intellektə nümunədir.

Bu arada Amazon, eBay (ABŞ), Shopify (Kanada) kimi nəhəng e-ticarət saytları, sosial media və Facebook (Meta), Twitter kimi kommunikasiya texnologiyaları şirkətlərinin infrastrukturunda çox güclü süni intellekt tətbiqləri artıq istifadə olunur. .

Bundan əlavə, Çin və Koreyada süni intellektdə Amerika mənşəli sistemlərlə rəqabət aparan bir çox süni intellekt sistemlərinin hazırlanaraq istifadə edildiyi məlumdur.

Dar süni intellektin faydaları və istifadə oluna biləcəyi sahələr sonsuzdur. 

Ümumi Süni İntellekt – AGI elm, tibb, təhsil və iqtisadiyyat kimi sahələrdə inqilab etmək potensialına malik olduğundan, onun nəzarətsiz istifadəsi  təhlükəsizlik və iqtisadi qeyri-sabitlik kimi qaçılmaz problemlərə gətirib çıxara bilər. Buna görə də hazırda dünyanın ən böyük diqqəti süni intellekt dünyasının ehtiyac duyduğu qayda dəstlərinin yaradılmasıdır.

Ülkər ABDURAHMANLI