Şəmkirdə yol qəzası: Xəsarət alanlar var BİR NƏFƏR ÖLÜB - VİDEO

Şəmkirdə ölümlə nəticələnən ağır yol qəzası baş verib.

News.az AZƏRTAC-a istinadla xəbər verir ki, Kür qəsəbəsinin yaxınlığında baş verən qəzada hərəkətdə olan "Ford" markalı yük maşını ilə "Lada Priora" markalı minik avtomobili toqquşub.

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin Şəmkir Rayon Dövlət Yanğından Mühafizə Hissəsinin əməkdaşları cəlb olunub.

Qəza zamanı bir nəfər hadisə yerində ölüb, xəsarət alanların olduğu bildirilir.