Sabiq prezident vəfat etdi

Finlandiyanın keçmiş prezidenti, 2008-ci il Nobel Sülh Mükafatı laureatı Martti Ahtisaari 86 yaşında vəfat edib. 

News24.az xəbər verir ki, bu barədə oktyabrın 16-da hazırkı lider Sauli Niinistö-nin ofisi məlumat yayıb.

O, həmin gün yerli vaxtla səhər saat 6:40-da Helsinkidə vəfat edib.

Qeyd edək ki, siyasətçi Finlandiyanın onuncu prezidenti olub və bu vəzifəni 1994-2000-ci illərdə tutub. Bundan əvvəl o, ölkənin Xarici İşlər Nazirliyində və BMT-də işləyib. 2008-ci ildə o, "Böhranların İdarə Edilməsi Təşəbbüsü" adlı fondu vasitəsilə beynəlxalq münaqişələrin həllində fəaliyyətinə görə Nobel Sülh Mükafatını qazanıb.

Aynurə