ABŞ Qəzzaya qoşun yeridəcək? - Harris AÇIQLADI

“ABŞ nə İsrail, nə də Qəzzaya qoşun yeridəcək”.

News24.az xəbər verir ki, bunu ABŞ-ın I vitse-prezidenti Kamala Harris deyib.

“ Bizim nə İsrail, nə də Qəzzaya qoşun göndərmək planımız var. Qətiyyən belə bir niyyətimiz yoxdur”, - deyə o bildirib.

Qeyd edək ki, bundan əvvəl Ağ Evin rəsmi nümayəndəsi Con Kirbi də bənzər açıqlama verib.

Keçən həftə ABŞ İsrailə hərbi məsləhətçilərini göndərib. Eləcə də Amerikanın Aralıq dənizində - İsrail sahilləri yaxınlığında iki dəniz gəmisi qrupu yerəşdirilib. Vaşinqtondan bildirilib ki, bu qruplar İran və “Hizbullah”ı müharibəyə girmək cəhdindən çəkindirmək məqsədi daşıyır. ABŞ həmçinin bölgədəki 2000 hərbçidən ibarət çevik reaksiya qüvvəsini hazır vəziyyətə gətirib.

Ayşən