Müharibə genişlənir: İsrailə 2000 hərbçi GÖNDƏRİLİR

Amerika hərbi komandanlığı 2000 dəniz piyadasını İsrail sahillərinə köçürür.

News24.az xəbər verir ki, bu barədə “CNN” Pentaqonun anonim nümayəndəsinə istinadla məlumat yayıb.

Telekanal bildirir ki, söhbət çevik reaksiya qüvvələrindən gedir. 

Nəşrin həmsöhbətinin sözlərinə görə, qərarın məqsədi ölkələrin və ya digər qrupların İsrailə qarşı mübarizə aparan Fələstinin HƏMAS hərəkatının tərəfinə keçməsinin qarşısını almaqdır.

Bundan əvvəl “The Wall Street Journal” ABŞ Müdafiə Nazirliyinin 2000-ə yaxın hərbçinin İsraili dəstəkləməyə hazır olması əmri verdiyini yazıb.

Qeyd edək ki, Vaşinqton artıq İsrail sahillərinə iki təyyarədaşıyan zərbə qrupu göndərib, baxmayaraq ki, Ağ Ev Fələstin-İsrail münaqişəsi fonunda İsrailə öz əsgərlərini göndərməyi planlaşdırmadığını dəfələrlə bəyan edib.

Ayşən