"HƏMAS qalib olsa, dünya uduzacaq" - NETANYAHU

“İsrail Qəzza zolağında Fələstinin radikal HƏMAS hərəkatını məğlub etməsə, bütün ərəb dünyası uduzacaq”.

News24.az xəbər verir ki, bu barədə İsrailin Baş naziri Benyamin Netanyahu Nazirlər Kabinetinin iclasında bildirib.

O vurğulayıb ki, İsrail əsgərlərinin Qəzza zolağında HƏMAS-a qarşı apardığı kampaniyada qalib gəlmək səbr və zamana ehtiyac duyur. 

“Vaxt tapmaq üçün siyasi dəstək qazanmalıyıq. Mən ABŞ prezidenti ilə gündəlik əlaqə saxlayıram, komandamız daim həmkarları ilə əlaqə saxlayır. Biz izah edirik ki, biz təkcə öz müharibəmizi deyil, həm də onların müharibəsini aparırıq, çünki HƏMAS məğlub olmasa, şər oxu qazanacaq, şər oxu qazansa, azad dünya uduzacaq”,- o deyib.

Netanyahu hesab edir ki, həm Qərb dünyası, həm də bütün ərəb dünyası itirəcək və bəşəriyyət üçün böyük təhlükə yaranacaq.

“Bizim döyüşümüz təkcə bizim varlığımız üçün deyil, həm də onların gələcəyi üçün döyüşdür. Bu, siyasi səydir və töhfə verə biləcək hər kəs bunu etməlidir”, - baş nazir  bildirib.

Ayşən