Autizm gününə həsr olunmuş tədbir keçirilib

Aprel 2-də Bakı Şəhər Mədəniyyət Baş İdarəsinin təşkilatçılığı ilə Xəzər rayonu 1 saylı sağlamlıq imkanları məhdud uşaqlar üçün sosial xidmət müəssisəsində 2 aprel Autizm barədə Maarifləndirmə gününə həsr olunmuş tədbir keçirilib.

Mədəniyyət Nazirliyinin Mətbuat Xidmətindən News24.az-a verilən məlumata görə, ölkəmizdə belə tədbirlərin keçirilməsində məqsəd autizmdən əziyyət çəkən uşaqlara, onların valideynlərinə dəstək olmaq, aktual problemlərinin öyrənilməsi və müvafiq yardımın göstərilməsi, onların cəmiyyətə inteqrasiyasına yardım etmək və cəmiyyətin diqqətini bu məsələyə yönəltməkdir.

Tədbirdə tanınmış müğənnilər Nüşabə Musayeva, Səma Abdullayeva, Ülkər Yaşar qızı və Rasim Səfərin ifasında bir-birindən gözəl musiqilər təqdim edilib.

Müğənnilərin ifaları uşaqlarda xoş təəssürat yaradıb.