Çindən iqtisadiyyatla bağlı AÇIQLAMA: "parçalanma təhlükəsi var"

“Hazırda qlobal iqtisadiyyat ayrı-ayrı ticarət bloklarına parçalanma təhlükəsi ilə üz-üzədir”.

News24.az xəbər verir ki, bu barədə Çin Xalq Respublikasının Dövlət Şurasının Baş naziri Li Çianq bildirib.

“Bunun fonunda ölkələr qlobal istehsal və logistika zəncirlərinin maneə törədilməsinin qarşısını almalıdırlar. Dünyada davam edən qarşıdurmadan hər kəs son nəticədə uduzur. Qlobal ticarət və istehsal zəncirlərinin sabit və yaxşı işləyən sistemi əksər dövlətlərin maraqlarına uyğundur. Ölkələr texnoloji tərəqqi və əmək məhsuldarlığının sürətini sürətləndirmək istəyirlərsə, açıq inkişaf imkanlarından daha yaxşı yararlanmalıdırlar”,- o deyib.

Nazir həmçinin proteksionist siyasətin populyarlığının artması nəticəsində yaranan müxtəlif risklərə məsuliyyətlə yanaşmağın vacibliyini qeyd edib. 

"Bu, bizdən qaydalara riayət etməyi, ümumi tendensiyanı tanımağı və qlobal istehsal və təchizat zəncirlərinin keyfiyyətini və məhsuldarlığını yaxşılaşdırmağa daha çox diqqət yetirməyi tələb edir”.

Ayşən