Simonyan sülh müqaviləsinin imzalanacağı tarixi AÇIQLADI

Ermənistan Milli Assambleyasının sədri Alen Simonyan ilin sonuna qədər Azərbaycanla sülh müqaviləsinin imzalanmasının mümkünlüyünə toxunub.

News24.az-ın "Armenpress”ə istinadla xəbərinə görə, parlamentdə jurnalistlərlə keçirdiyi brifinqdə Simonyan bildirib ki, saziş 5-10 gün ərzində bağlana bilər.

“Müqavilə 10 və ya 5 günə imzalana bilər. Biz indi altıncı təklifi göndərmişik, kifayət qədər iş görülüb. Əgər Azərbaycan tərəfi heç nəyi dəyişməsə, yeni təklif təqdim etməsə, təbii ki, bir neçə günə yekunlaşmaq olar”,- Simonyan bildirib.

Qeyd edək ki, Azərbaycan prezidenti İlham Əliyev dekabrın 6-da Ermənistanın yeni təkliflər göndərdiyini deyib.

AYLİN