İsrailin işğal planı ortaya çıxdı: "Yaxın Şərqdə münaqişəni daha da..."

İsrail Hizbullahı şimal sərhədindən geri çəkmək üçün Livanı işğal etməyi planlaşdırır və Yaxın Şərqdə münaqişəni daha da gərginləşdirməklə hədələyir.

News24.az xəbər verir ki, bu barədə "The Times" məlumat yayıb.

Nəşr qeyd edir ki, həftələrdir davam edən sərhədyanı atışmalardan sonra İsrail Müdafiə Qüvvələri (IDF) Livanın cənubunda qurudan hücuma keçmək, bu qrupu Litani çayından o tərəfə şimala itələmək istəyir.

İsraildəki hərbi və hökumət rəsmiləri, Hizbullahın basqının miqyasının HƏMAS-ın hücumundan daha ölümcül ola biləcəyi barədə xəbərdarlıq edərək, oktyabrın 7-də Qəzzaya hücumun təkrarlanmasının qarşısını almaqda qərarlı olduqlarını bildiriblər.

Yüksək rütbəli İsrail zabiti “The Times” qəzetinə deyib: "Cənubda baş verənlər onların burada edə biləcəkləri ilə müqayisədə heç bir şey deyil. İsrailin doktrinası müharibəni qarşı tərəfə aparmaqdır”.

Bu, İsrailin Qəzza zolağında davam edən müharibəsi fonunda baş verir, gecə ərzində mühasirəyə alınmış zolağa yeni hücumlar, o cümlədən şimalda 90 fələstinlinin ölümünə səbəb olan Cəbəliyə qaçqın düşərgəsinə zərbə endirilir.

Ayşən