Milli komandamız Ukraynada doqquz medal qazanıb

Xarkov şəhərində keçirilən G1 kateqoriyalı "Ukraina Open" beynəlxalq turnirdə 9 idmançı ilə təmsil olunan böyüklərdən ibarət millimiz yarışda maksimum nəticə göstərib. 

News24.az bildirir ki, komandanın üzvlərindən Qaşım Maqomedov (-58 kq), Milad Beigi Hərçəqani (-80 kq), Ramin Əzizov (-87 kq), Radik İsayev (+87 kq) və Patimat Abakarova (-53 kq) fəxri kürsünün ən yüksək pilləsinə qalxıb. 
Bəhruz Quluzadə (-54 kq) və Fəridə Əzizova (-67 kq) finalda, Cavad Ağayev (-68 kq) və Ayxan Tağızadə  (-74 kq) isə yarımfinalda məğlub olaraq yarışı bürünc medalla başa vurub.
Gədəbəy taekvondo klubunu təmsil edən Beyrək Bağırov (-87 kq)  da bu yarışda bürünc medala layiq görülüb.
Qeyd edək ki, 58 kq çəki dərəcəsində mübarizə aparan Qaşım Maqomedov yarışın "ən yaxşı idmançısı" seçilib.