Aslan İsmayılov Ali Məhkəməyə MÜRACİƏT ETDİ

Tanınmış vəkil Aslan İsmayılov keçən ilin noyabrında Binəqədi rayon Məhkəməsinin onun barəsində verdiyi qərardan Ali Məhkəməyə şikayət edib. 
News24.az-ın məlumatına görə, hüquqşünas Cinayət Məcəlləsinin 221.1-ci (xuliqanlıq) maddəsi ilə ittiham olunub. İttihama görə, A.İsmayılov 2017-ci ilin oktyabrında Binəqədi Rayon Məhkəməsində qapını çırpıb, məhkəmə zalındakı divarın suvağını dağıdıb, səs-küy salıb iş prosesini pozmaq istəyib.
Binaya dəyən ziyana görə Əmlak Məsələləri Dövlət Komitəsi zərərçəkən kimi tanınıb və A.İsmayılovun qazancının 20%-nin tutulması və onun 1500 manat məbləğində cərimə olunması barədə qərar qəbul edilib.

Aslan İsmayılovun Ali Məhkəməyə müraciətinə hakim Fərhad Kərimovun sədrliyi ilə baxılacaq.