Zalujni bu həftə vəzifəsindən azad olunacaq

Ukrayna prezidenti Vladimir Zelenskinin bu həftənin sonuna qədər Ukrayna Silahlı Qüvvələrinin (AFU) Ali Baş Komandanı Valeri Zalujninin istefası ilə bağlı fərman imzalayacağı gözlənilir.

News24.az xəbər verir ki, bu barədə CNN məlumat yayıb.

Məlumata görə, Ukrayna Silahlı Qüvvələrinin baş komandanı yanvarın 29-da Ukrayna prezidentinin kabinetinə çağırılıb və orada dövlət başçısı gözlənilən vəzifəsindən azad olunacağını bəyan edib. Zelenski Ukrayna Silahlı Qüvvələrinin baş komandanına başqa vəzifə tutmağı təklif etsə də, o, bundan imtina edib.

Qeyd edək ki, Ukrayna Silahlı Qüvvələrinin baş komandanı postuna mümkün namizədlər arasında Hərbi Kəşfiyyat İdarəsinin rəisi Kirill Budanov və Ukrayna Quru Qoşunlarının komandanı Aleksandr Sırskinin adları hallanır. Lakin onların hər ikisi bu təklifdən imtina edib.

Mehriban Mirzəzadə