Daha bir ölkənin müdafiə naziri xəstəxanaya yerləşdirildi

Daha bir ölkənin müdafiə naziri xəstəxanaya yerləşdirildi
Dünya

Baxış: 125 \ Tarix: 13-02-2024, 14:00

Mətn ölçüsü

İtaliyanın müdafiə naziri Quido Krosetto təcili olaraq xəstəxanaya çatdırılıb.

News24.az xəbər verir ki, bu barədə “ANSA” məlumat yayıb.

İtaliya Müdafiə Nazirliyinin nümayəndələrinin sözlərinə görə, dünən səhərdən bəri davamlı ağrılardan sonra Krosetto şiddətli sinə ağrısı ilə San Karlo di Nansi xəstəxanasının təcili yardım otağına gedib.

Mənbənin sözlərinə görə, 60 yaşlı Krosettonun vəziyyəti yaxşıdır və gün ərzində evə buraxıla bilər, lakin sağlamlıq yoxlamaları hələ də davam edir.

O, dərhal müayinə olunub və sonra koronar angioqrafiya olunub.

Xəstəliyinin səbəbləri açıqlanmır, lakin xəstəxana mənbələri bunun perikardit ola biləcəyini bildirir.

Qeyd edək ki, ötən gün ABŞ-ın Müdafiə Naziri Lloyd Ostin prostat vəzi xərçəngi ilə mübarizə aparırdı və o, sidik kisəsində yaranan problemlərə görə yenidən xəstəxanaya yerləşdirildi.

Mehriban Mirzəzadə