Əməkdar artist: “Dumbul kimiyəm”

“Bədnəzər tez toxunur mənə, o qədər üzərlik yandırıram, evi də tüstü bürüyür”.

News24.az yenicag-a istinadla bildirir ki, bu sözləri tanınmış qarmon ifaçısı, Əməkdar artist Gövhər Rzayeva ayağınını sınması nəticəsində xəstəxanaya yerləşdirilməsi ilə bağlı yayılan xəbərə münasibət bildirərkən deyib.

Sənətçi evində olduğunu, sadəcə, ayağının burxulduğunu deyib:

“Mən də insanam, yıxıla bilmərəm? Sürüşdüm, ayağım burxuldu. Yaxşıyam, dumbul kimiyəm. Həkim gəlib evdə baxdı, ayağımın sərpdiyni dedi.

Hamı zəng edir, soruşur ki, nolub, xəstəxanadasan? Allah həmişə sevdiyi bəndələrini imtahana çəkir.

Pis elə pisdir, pisə heç nə olmur. Bir də qurban olum düşmənə, qoymur məni düşməyə. Heç kim mənə görə narahat olmasın”.

Qarmon ifaçısı “Bəlkə gözə-nəzərə gəlmisiz” sualına gülə-gülə belə cavab verib:

“Bədnəzər tez toxunur mənə. O qədər üzərlik yandırıram, evi də tüstü bürüyür”.