Məktəb direktoru və oğlu yaşlı cütlüyü döydü - VİDEO

Türkiyədə məktəb direktoru və oğlu avtobusda yaşlı cütlüyü döyüb.

News24.az xəbər verir ki, hadisə 2023-cü il dekabrın 15-də Mersin Şəhər Xəstəxanasına gedən avtobusda mərkəzi Toroslar rayonunda baş verib.

İddiaya görə, ata və oğlu ürəyində kardiostimulyatoru olan, iflic olduğu üçün sağ tərəfini tam istifadə edə bilməyən, böyrək çatışmazlığından əziyyət çəkən 77 yaşlı kişi və onun həyat yoldaşı ilə mübahisə edib.

Bu zaman direktorun 17 yaşlı oğlu, daha sonra onunb özü yaşlı cütlüyə hücum edib.

Özünü saxlaya bilməyən məktəb direktoru ahıl kişini üstünə çıxaraq onu taptalayıb.

Həmin anlar avtobusun təhlükəsizlik kamerasına saniyə saniyə əks olunub.

Görüntüləri bir müddət əvvəl üzə çıxan hadisədə şübhəli bilinən ata və oğulun eyni tarixdə polis tərəfindən saxlanıldığı, ifadələrindən sonra isə direktorun həbs edildiyi öyrənilib.

Teymur Məmmədov