Terrorçular Moskvaya aparılır FTX-nın bəyanatı

Rusiya Federal Təhlükəsizlik Xidməti terror aktı ilə bağlı bəyanat yayıb.

News24.az xəbər verir ki, FTX-nın bəyanat mətni aşağıdakı kimidir.

▪️Xüsusi xidmət orqanlarının və hüquq-mühafizə orqanlarının tədbirləri nəticəsində “Krokus”da törədilən terror aktında bilavasitə əli olan 4 terrorçu da daxil olmaqla 11 nəfər saxlanılıb. Cinayət ortaqlığının müəyyən edilməsi istiqamətində növbəti işlər davam etdirilir.

▪️Terror aktından sonra cinayətkarlar avtomobillə Rusiya-Ukrayna sərhədinə doğru hərəkət edərək qaçmağa cəhd ediblər.

▪️Xüsusi və hüquq-mühafizə orqanlarının koordinasiyalı tədbirləri nəticəsində hər dörd terrorçu bir-birindən bir neçə saat ərzində Bryansk vilayətində saxlanılıb. Hazırda onlar Moskvaya aparılır.

▪️Terror aktının bütün hallarının müəyyənləşdirilməsi istiqamətində iş aparılır. Terror aktının diqqətlə planlaşdırıldığı artıq müəyyən edilib. Terrorçuların istifadə etdiyi silahlar anbarda əvvəlcədən hazırlanıb.

▪️Terror aktından sonra cinayətkarlar Rusiya-Ukrayna sərhədini keçmək niyyətində olublar və Ukrayna tərəfində müvafiq əlaqələr olub.

▪️Terror aktı ilə bağlı istintaq davam edir.

Günel Məlikzadə