"Formula-1" günlərinin hava proqnozu AÇIQLANIB
    • 25-04-2019, 18:11
    • 923

"Formula-1" günlərinin hava proqnozu AÇIQLANIB

Formula-1 yarışları keçirilən günlərdə gözlənilən hava şəraiti

Ekologiya və Təbii Sərvətlər Nazirliyinin Milli Hidrometeorologiya Departamentindən News24.az-a verilən məlumatına görə, aprelin 26-da havanın dəyişkən buludlu olacağı, arabir tutulacağı, əsasən yağmursuz keçəcəyi  gözlənilir. Lakin günün birinci yarısında yarımadanın bəzi yerlərində çiskinli yağış yağacağı ehtimalı var. Mülayim cənub-qərb küləyi əsəcək. Havanın temperaturu  gecə  9-12, gündüz 16-21 dərəcə isti təşkil edəcək.

Aprelin 27-də hava əsasən yağmursuz keçəcək. Mülayim cənub-qərb küləyi arabir güclənəcək. Havanın temperaturu  gecə  9-12, gündüz 16-20 dərəcə isti təşkil edəcək.

Aprelin 28-də havanın dəyişkən buludlu olacağı, əsasən yağmursuz keçəcəyi gözlənilir.  Mülayim cənub-qərb küləyi arabir güclənəcək. Havanın temperaturu  gecə 10-13, gündüz 16-21 dərəcə isti təşkil edəcək.