ABŞ-dan Şimali Koreyaya sanksiya

ABŞ Şimali Koreyanın “kütləvi qırğın silahları proqramı”na dəstək verdiyi üçün 6 nəfər və 2 təşkilata sanksiya tətbiq etdiyini açıqlayıb.

News24.az xəbər verir ki, ABŞ Maliyyə Nazirliyi Xarici Aktivlərə Nəzarət Ofisinin (OFAC) tətbiq etdiyi sanksiyalarla bağlı açıqlama verib.

Açıqlamada Şimali Koreyanın “kütləvi qırğın silahları proqramı”na dəstək verdikləri üçün 6 nəfər və 2 təşkilata sanksiya tətbiq edildiyi bildirilib.

Bəyanatda sanksiyaya məruz qalanların Rusiya, Çin və Birləşmiş Ərəb Əmirlikləri olduğu qeyd edilib və əlavə edilib:

"Bu aktyorlar vasitəsilə əldə edilən vəsaitlər Şimali Koreyanın kütləvi qırğın silahları proqramlarını dəstəkləyir".

Bu sanksiyaların Cənubi Koreya ilə əməkdaşlıq çərçivəsində həyata keçirildiyi barədə məlumatı paylaşan Xəzinədarlığın Terrorizm və Maliyyə Kəşfiyyatı üzrə müşaviri Brian E. Nelson, "Bu birgə hərəkət Şimali Koreyanın qeyri-qanuni və sabitliyi pozan fəaliyyətləri üçün gəlir əldə etmək səylərini pozmaq əzmimizi əks etdirir" dedi. 

Birləşmiş Millətlər Təşkilatının (BMT) ekspertləri tərəfindən hazırlanan hesabatda Şimali Koreyanın silah proqramlarını kiber fəaliyyətlərdən əldə etdiyi valyuta gəlirlərinin təxminən yarısı ilə maliyyələşdirdiyi iddia edilib.

BMT Təhlükəsizlik Şurasının Şimali Koreya Sanksiya Komitəsinin mütəxəssisləri tərəfindən 2021-ci ildə hazırlanan hesabatda Şimali Koreyalı hakerlərin 2020-ci ildə 300 milyon dollardan çox rəqəmsal kripto pul oğurladığı iddia edilib.

Günel Məlikzadə