İsrail ordusu geri çəkildiyini təsdiqlədi

Ordudan verilən açıqlamada, 18 martda başlayan və 14 gün davam edən hücumlardan sonra İsrail qüvvələrinin Şifa xəstəxanası və ətrafından çəkildiyi təsdiqlənib.

News24.az xəbər verir ki, Şifa Xəstəxana kompleksində ağır dağıntılara və içəridə dəymiş ziyana baxmayaraq, hücumlar zamanı mülki vətəndaşların, xəstələrin və tibb işçilərinin zərər görməsinin qarşısı alındığı iddia edilib.

Qeyd edək ki, İsrail ordusu 14 günlük hücumlar zamanı Şifa xəstəxanası və ətraflarında 200-dən çox fələstinlini qətlə yetirib, 900-dən çox fələstinlini isə həbs edib.

Günel Məlikzadə