Təyyarədə sərnişinlər tavana yapışdı

United Airlines tərəfindən idarə olunan təyyarə Nyu-York ştatının hava limanına təcili eniş etmək məcburiyyətində qalıb.

News24.az xəbər verir ki, təyyarədəki 312 sərnişindən 7-si təyyarə gəldikdən sonra xəstəxanaya yerləşdirilib, 15 nəfərə isə uçuş zamanı aldığı xəsarətlərə görə hadisə yerində tibbi yardım göstərilib.

Bildirilib ki, təyyarə ABŞ-ın Nyuark Liberti Beynəlxalq Hava Limanına yaxınlaşarkən “güclü küləklərə” tutulub və hava limanında enişini təxirə salıb.

Qeyd edək ki, təyyarədə olan insanların bəziləri turbulentlik səbəbiylə ürək bulanması və sinə ağrısından şikayətlənib. Bəzi sərnişinlərin kəmər taxmadığı üçün oturacaqlarından atıldığı bildirilib.

Günel Məlikzadə