Qəbiristanlıqda insan sümüklərindən narkotik hazırladılar

Qərbi Afrika ölkəsi Sierra Leone insan sümüklərindən hazırlanan psixoaktiv dərmanla bağlı milli fövqəladə vəziyyət elan edib.

News24.az xəbər verir ki, ölkədə Kuş narkotikindən sui-istifadə hallarının kəskin artdığı bir vaxtda polis gənclərin qəbir qazmasının qarşısını almaq üçün paytaxt Fritaunda qəbiristanlıqları qorumağa başlayıb.

Tərkibində müxtəlif maddələr olan bu dərmana kükürd izləri olduğu üçün üyüdülmüş insan sümüyünün qatıldığı və beləliklə də dərmanın təsirini artırdığı iddia edilir.

Sierra Leone prezidenti Julius Maada Bio dünən ümummilli yayımda deyib: "Ölkəmiz hazırda narkotik və maddələrdən sui-istifadənin, xüsusən də dağıdıcı sintetik narkotik Kuşun dağıdıcı təsirindən yaranan ekzistensial təhlükə ilə üz-üzədir".

Günel Məlikzadə