8 İL SONRA İLK: AK Partiya və CHP bir arada

Türkiyədə siyasətdə bütün gözlər prezident Rəcəb Tayyib Ərdoğanla Cümhuriyyət Xalq Partiyasının sədri Özgür Özəl arasındakı görüşə çevrilib.

News24.az xəbər verir ki, görüş son 8 ildə ilkdir. AK Partiya və CHP liderləri 2016-cı ildən sonra ilk dəfə bir araya gələcək.

Qeyd edək ki, Prezident Ərdoğanla Özəli bir araya gətirəcək proses CHP sədrinin Ərdoğana etdiyi bayram təbriki ilə başlayıb.

Türkiyə Böyük Millət Məclisinin açılışının 104-cü ildönümü münasibətilə aprelin 23-də keçirilən qəbulda Ərdoğanla Özəl arasında qısa görüş olub. Həmin görüşdə bir araya gəlməyə qərar verilib.

GÜNDƏM YENİ KONSTİTUSİYA

AK Partiya Ümumi Mərkəzində saat 17.00-da keçiriləcək yığıncaqda əsas gündəm maddəsi yeni konstitusiyadır. Ərdoğan İraqdan qayıdarkən jurnalistlərə açıqlamasında "CHP-nin də dəyişikliyə dəstək verə biləcəyinə inanıram" deyib.

Özgür Özelin gündəmi konstitusiya xaricində borcları səbəbiylə çətinlik yaşayan yerli rəhbərliklərin gəlir mənbələrini artırmaq olacaq.

Digər tərəfdən, bələdiyyələrin mərkəzi hökumətdən təsdiq gözləyən layihələri, yaşayış xərcləri, pensiyalar, təyinat gözləyən müəllimlər də gündəmdə olan digər mövzular olacaq.

Özəl kritik görüşdən əvvəl CHP-nin keçmiş sədrləri Kamal Kılıçdaroğlu, Altan Öymen, Hikmət Çətin və Murat Karayalçın ilə telefonla danışıb, Ərdoğanla görüşlə bağlı fikir və təkliflərini alıb.

Günel Məlikzadə