Yeraltı dünyasının qapısı: Te'omim mağarası

Keçən il apardıqları kəşflər zamanı arxeoloqlar Qüdsdəki Te'omim mağarasının dərinliklərində gizlədilmiş qədim dövrlərdən qalma dini ayinlərə və sehrli təcrübələrə aid olduğu güman edilən qalıqları tapdılar.

News24.az xəbər verir ki, insan kəllələrinin, xəncərlərin və müxtəlif əşyaların tapıldığı mağaranın keçmişdə cadugərlərin ölülərin ruhlarını çağırmağa çalışdıqları qaranlıq mərasimləri yerinə yetirmək üçün istifadə etdikləri yer ola biləcəyi iddia edilib.

Qeyd edək ki, Te'omim mağarası Qüdsün cənub-qərbində yerləşən arxeoloji əhəmiyyətə malik mağaradır. Bu mağara Teomim dağlarının ətəyində yerləşir və qədim dövrlərə gedib çıxan bir tarixə malikdir. Keçən il aparılan qazıntılar mağaranın nə üçün istifadə olunduğuna dair olduqca qorxulu nəzəriyyələr ortaya çıxarıb.

Tarixi bölgə Osmanlı İmperatorluğundan Abbasilərə, Əməvilərdən Romalılara qədər bir çox imperiyalara ev sahibliyi edib. Roma dövrünə aid olduğu düşünülən arxeoloji tapıntıların tapılması xüsusilə diqqəti cəlb edib. Mağarada aparılan qazıntılar zamanı Roma dövrünə aid baltalar, yağ lampaları və insan kəllələri kimi maraqlı tapıntılar üzə çıxarılıb.

Arxeoloqlar bu əşyaların ölülərin çağırılması ilə bağlı bəzi qaranlıq ritualların bir hissəsi kimi istifadə oluna biləcəyini düşünürlər. Te'omim mağarası bölgədəki qədim yaşayış məskənlərini və mədəniyyət tarixini anlamaq üçün mühüm mənbədir. Arxeoloqlar bu mağaradakı tapıntıları tədqiq etməklə qədim dövrlərdəki dini rituallar haqqında daha çox məlumat əldə etməyi hədəfləyirlər.

Keçmişdə mağaralar ölülər diyarının qapısı kimi görünüb. Bu, Te'omimin keçmişdə yeraltı dünyasına bir qapı kimi göründüyünü göstərir.

Bildirək ki, “Yeraltı dünya” mifologiya və əfsanələrdə tez-tez rast gəlinən bir anlayışdır. Ümumiyyətlə ölülər diyarı və ya ölülərin yaşadığı yer sayılan “yeraltı dünya”nı yeraltı dünya və ya ölülər dünyası da adlandırmaq olar.

Mifoloji inanclara görə, insanların ruhları öldükdən sonra bu dünyaya gəlir və “yeraltı dünya” deyilən bu yerdə yaşamağa davam edir.

Bu yer bəzən cəhənnəm və ya cənnət kimi əks keyfiyyətlərə malik əraziləri ehtiva edə bilər. Ölənlərin ruhları bu dünyada cəzalandırılır və ya mükafatlandırılır.

Te'omim mağarasında tapılanlar qeyri-müəyyən olaraq qalsa da, geridə qoyduqları əsərlər gələcəyi təxmin etmək və ruhları çağırmaq üçün gizli şəkildə sehrdən necə istifadə etdiklərinə dair ipuçlarını ortaya qoyur.

Günel Məlikzadə