Cinsi gücü artıran, orqanizmi gənc saxlayan qidalar – İllərə meydan oxuyun!

Sağlam cinsi həyat psixi və fiziki sağlamlıq baxımından mühüm rol oynayır. Cinsi həyat stress kimi səbəblərdən təsirlənsə də, istehlak edilən qidalar da böyük əhəmiyyət kəsb edir.

Tərəvəzlər və yağsız zülallarla zəngin, həmçinin tərkibində şəkər və doymuş yağ az olan qidalara üstünlük verilən pəhriz önəmlidir. Çünki belə qidalanmaq metabolik sindrom və hormonal vəziyyətlər kimi libidoya təsir edən pozğunluqların qarşısını almağa kömək edə bilər.

Bunlarla yanaşı, daha qısa müddətdə nəticə əldə etmək istəyənlər cinsi gücü artıran qidalara müraciət edə bilərlər. Cinsi gücün artırılması libidonun artması və qan axınının tənzimlənməsi ilə mütənasibdir.

Sağlam cinsi əlaqəyə sahib olmaq fiziki və emosional cəhətdən sağlam hiss etməklə bağlıdır, buna görə də yediyiniz qidaların cinsi həyatınızda rol oynaması təəccüblü deyil.

News24.az Medicina.az-a istinadən cinsi gücü artıran qidaları təqdim edir:

Ağ və qırmızı ət

Tərkibində müəyyən amin turşuları olan ət və ya digər qidaları yemək cinsi həyatınızı yaxşılaşdırmağa kömək edə bilər. Müxtəlif yüksək zülallı qidalar, o cümlədən mal əti və toyuq əti, qan axınını yaxşılaşdırmağa kömək edən Karnitin, L-arginin, Sink birləşmələrini ehtiva edir.

İstiridyə

Sinklə zəngindir. Yüksək sinkli qidalar qan axınını və hormon səviyyələri yaxşılaşdırmağa kömək edərək cinsi həvəsi artırır. Sink kişilər üçün daha vacibdir. çünki testosteron səviyyələrini tənzimləməyə kömək edir.

Həmçinin, xərçəngin də oxşar təsirləri var. Hər iki növ qabıqlı dəniz məhsulu sinklə doludur.

Salmon

Qızılbalıq ürəyə faydalı Omeqa-3 yağ turşularına malik olması ilə tanınır. Çəhrayı ətli balıqlarla yanaşı, sardina, tuna və halibut da bədəninizin daha sağlam və cinsi həyatınızın qaydasında olmasında rol oynaya bilər.

Araşdırmalar göstərir ki, Omeqa-3 damarlarda lövhə yığılmasının qarşısını alır. Bu, bütün bədəninizdə sağlam qan axınını təşviq edir. Qan dövranı sisteminin düzgün işləməsinin təmin edilməsi cinsi funksiyanı pozan bəzi xəstəliklərin qarşısını alır.

ABŞ-ın Qida və Dərman İdarəsi (FDA) ürəyinizi və bədəninizi sağlam saxlamaq üçün həftədə ən azı iki porsiya balıq yeməyi tövsiyə edir.

Çərəzlər

Qəlyanaltı zamanı çərəz yeməyə üstünlük verin. Anakardiya və badam sinklə doludur, bir sıra çərəzlər isə qan axını üçün faydalı L-arginin ehtiva edir.

Gündə bir ovuc bu çərəzlərin qarışımını yeyə bilərsiniz: balqabaq tumu, günəbaxan tumu, fındıq, fıstıq, qoz, badam, anakardiya.

Qeyd edək ki, qoz Omeqa-3 ilə də zəngin olduğu üçün ikiqat faydalıdır.

Alma

Alma kimi ucuz və hər yerdə tapılan meyvənin cinsi həyat üçün faydalı ola biləcəyi bəlkə də ağlınıza gəlməz. Ancaq bir çox alma növü "quercetin" adlı birləşmə ilə zəngindir. Bir flavonoid növü olan bu antioksidant qan dövranını təşviq edir, prostatit simptomları azaldır, qadınlarda cinsi əlaqəyə marağı artırır, vajinaya qan axınını gücləndirir.

Flavonoidlərlə zəngin digər sağlam qidalar isə bunlardır: çiyələk, qaragilə, qara üzüm, gilas, sitrus meyvələri və s.

Çuğundur

Çuğundur antioksidantlar və vitaminlərlə zəngindir və istənilən pəhrizə uyğundur. Bu tərəvəz bol miqdarda pəhriz nitratı ehtiva edir.

Pəhriz nitratları qan damarlarını genişləndirir, qan axınını yaxşılaşdırır. Həmçinin əzələ daralmasına faydalı təsir göstərir. Buna görə də, bəzi idmançılar performanslarını artırmaq üçün nitratlardan istifadə edirlər.

Çuğundur şirəsi içmək qan təzyiqinə nəzarəti gücləndirir.

Eyni mexanizmlər, nəzəri olaraq, ümumi ürək sağlamlığınızı yaxşılaşdırarkən, cinsi əlaqə zamanı qan axını və dözümlülüyü artırmağa da kömək edir.

Pəhriz nitratları ilə zəngin digər qidalara aşağıdakılar daxildir: ispanaq, kahı, kərəviz, turp və s.