Niyə heç bir bayraqda bənövşəyi rəng yoxdur?

Bənövşəyi piqment tarix boyu əldə edilməsi ən çətin və bahalı rənglərdən biri olub. Qədim dövrlərdə bənövşəyi boya yalnız Aralıq dənizində yaşayan bəzi dəniz ilbizlərindən (murex) alınıb.

News24.az xəbər verir ki, bir qram boya istehsal etmək üçün təxminən 10.000 ilbizin tələb olunduğu bir vaxtda bənövşəyi boyanın alınması zəhmətli və bahalı olub. Buna görə də, bənövşəyi rəng tez-tez krallıq və zadəganlıqla əlaqələndirilib.

Bütün bunlar birləşərək bənövşəyi boyanı yer üzündəki ən qiymətli maddələrdən birinə çevirib.

Boyanın zənginlik və güclə əlaqəsi onu qədim dünyada kral rəngi üçün təbii seçim edib.

Bəzi Roma imperatorları hətta ölüm cəzası altında başqalarına bənövşəyi paltar geyməyi qadağan edən qanunlar qəbul ediblər.

Bu günlərdə bənövşəyi rəng əldə etmək üçün daha ucuz alternativlər var, lakin hələ də dünyada yalnız iki ölkənin bayraqlarında çox az miqdarda bənövşəyi rəng var.

Bu iki ölkə bənövşəyi Sisserou tutuquşusunun tapıldığı kiçik Dominika ada dövləti və göy qurşağında az miqdarda bənövşəyi rəngin olduğu Nikaraquadır.

Tarixən İkinci İspaniya Respublikasının bayrağında da böyük bənövşəyi panel var idi, lakin bu, yalnız 1931-1971-ci illərdə istifadə edilib.

Bənövşəyi rəngə sahib müasir bayraqlar hər ikisi olduqca yaxınlarda qəbul edilib. Bu da onların ənənədən ayrılmasını izah edə bilər.

Bənövşəyi rəngin yüksək qiyməti bu rəngin geniş istifadəsinə mane olub. Nəticədə bayraqlarda bənövşəyi rəngdən istifadə nadir hal alıb.

Bayraqlar xalqların tarixini, mədəniyyətini və dəyərlərini əks etdirsə də, ümumiyyətlə qırmızı, ağ, mavi və yaşıl kimi daha çox yayılmış rənglərə üstünlük verilir. Bənövşəyi rəngin simvolik mənası bəzi mədəniyyətlərdə önəmli olsa da, əksər xalqların tarixi və mədəni simvolları bu rənglərlə ifadə olunur.

Yekun olaraq qeyd edək ki, bənövşəyi rəngin bayraqlarda nadir hallarda istifadə edilməsinin əsas səbəbləri arasında tarixi piqment dəyəri, geniş istifadə edilməməsi və ənənəvi simvolik mənalar var.

Günel Məlikzadə