Dəmir dövrünün dəhşətli ənənəsi : İnsanlar niyə qurban edilirdi?

Arxeoloqlar Böyük Britaniyada Dəmir dövrünə aid amansızlıqla öldürülən bir insanın qalıqlarını tapdıqlarından şübhələnirlər.

News24.az Teleqraf.com-a istinadən xəbər verir ki, Bornmut Universitetinin mütəxəssisləri skeleti 2000 illik Uinterborn-Kinqston məkanında qazıntılar zamanı aşkar ediblər.

Skeletin təhlili göstərir ki, qadın otuz yaşlarında olub, biləkləri bağlandıqdan sonra boyun nahiyəsindən kəsici alət yarası alaraq öldürülüb. Heyvan sümüklərindən ibarət aypara formalı yatağa üzü üstə qoyularaq qurban edildiyini ehtimal edilir.

Arxeoloqlar deyirlər ki, cəsədin qoyulma forması qətlin bir çuxurda baş verdiyini deməyə əsas verir və tamaşaçılar bu qorxunc mərasimin bir hissəsi kimi izləməyə dəvət olunublar.

Dəmir dövrü Britaniyasında ritual olaraq qurban kəsilmə klassik iddia olsa da, bunun baş verib-vermədiyinə dair çox az dəlil var.

Arxeoloqlar qadının hansısa səbəblərdən “günah yuma” üçün istifadə edilən “günah keçisi” kimi çıxış edə biləcəyini irəli sürürlər.