Kökəlməmək üçün dondurmanı necə yemək lazımdır?

“Dondurmanın tərkibində lif çox azdır, lakin zülal, yağ və karbohidratlar çoxdur, ona görə də dondurma kökəlməyə səbəb olur. Bunun qarşısını almaq üçün desertə meyvə əlavə etmək və ya dondurmadan əvvəl meyvə yemək lazımdır”.

News24.az oxu.az-a istinadla xəbər verir ki, bu barədə diyetoloq rusiyalı Nuriya Dianova danışıb.

“Dondurmadan əvvəl bir az meyvə yesəniz, desertə lif əlavə olunacaq və daha uzun müddət tox qalacaqsınız. Arıqlama zamanı bunu nəzərə almaq vacibdir. Əgər artıq çəkiniz yoxdursa, hər gün bir dondurma yeyə bilərsiniz. Əgər əlavə çəkiniz varsa, həftədə bir dəfə dondurma yemək kifayət edəcək”, – deyə Dianova izah edib.

Dondurma seçərkən qatqısız və cemsiz adi dondurmaya üstünlük vermək lazımdır, beləliklə siz qida rasionunuzdan artıq şəkəri xaric etmiş olarsınız.