Ferrari-nin qiyməti heyrətamiz olacaq

Ferrari-nin avtomobil bazarında maraqla gözlənilən ilk elektrik avtomobili ilə bağlı təfərrüatlar ortaya çıxmağa başlayıb.

News24.az xəbər verir ki, Reuters agentliyinə danışan mənbə, daxili yanma mühərrikləri ilə tanınan İtaliya nəhənginin ilk elektrik modelinin qiymətinin ən azı 500 min avro (535 min dollar) olacağını bildirib.

Mənbənin Reuters-ə verdiyi məlumata görə, lüks avtomobil istehsalçısı bu modeli istehsal etmək üçün fabrik açmağa hazırlaşır. Bu modelin qrup istehsalını üçdə bir artıra bilər.

Ferrari-nin ilk elektrik modeli üçün planlaşdırılan qiyməti, kütləvi bazardakı rəqiblərin tələbin azalması səbəbindən elektrik avtomobillərinin (EV) qiymətlərini aşağı saldığı bir vaxtda belə, ultra zəngin sürücülərin buna hazır olduğuna inamını nümayiş etdirib.

Sözügedən qiymət Ferrari-nin hazırkı modelləri və bir çox rəqib lüks elektrik avtomobilləri üçün 350 min avro olan orta satış qiymətindən xeyli yuxarıdır. Aşağı premium seqmentdə yerləşən Porsche-nin elektrik Taycan modeli təxminən 100 min avrodan başlayır.

Reuters-ə danışan mənbə, zavodun keçən il 14 mindən az avtomobil tədarük edən şirkət üçün cəsarətli bir addım olduğunu, istehsal gücünün təxminən 20 minə qədər arta biləcəyini söyləyib.

Günel Məlikzadə