Aİ-dən Rusiyaya yeni sanksiyalar

Avropa İttifaqı (Aİ) ölkələri Ukraynadakı müharibə səbəbindən Rusiyaya qarşı 14-cü sanksiya paketi ilə bağlı razılığa gəliblər. Bu paketə Rusiya mayeləşdirilmiş təbii qazının (LNG) daşınmasına qadağa da daxildir.

News24.az xəbər verir ki, LNG məhdudiyyəti, blokun əvvəllər Moskvanın ən böyük gəlir mənbələrindən ikisi olan kömür və dəniz neftinə tətbiq etdiyi kimi tam idxal qadağasını əhatə etmək üçün kifayət deyil.

Əvəzində Aİ şirkətlərinə Rusiyadan LNG almağa icazə veriləcək, lakin onun başqa ölkələrə təkrar ixracı qadağan ediləcək. Bu, nəqletmə kimi tanınan təcrübədir.

Daha sərt ehtiyat tədbirləri 

Bundan əlavə, üzv dövlətlər Brüsseldə daimi başağrısı olan 13 əvvəlki sanksiyalar paketində açıq qalan boşluqları bağlamaq üçün daha sərt tədbirlər haqqında razılığa gəliblər.

Bu tədbirlərin təfərrüatları hələ açıqlanmayıb. Lakin onların Rusiyanın dəniz nefti üçün G7 qiymət tavanından yan keçmək üçün Kremlin “kölgə donanması”na yönəldiyi güman edilir.

İyulun 1-dək Avropa Birliyinə sədrlik edən Belçika X platformasında verdiyi açıqlamada paketin "boşluqları aradan qaldıraraq mövcud sanksiyaların təsirini maksimuma çatdırdığını" bildirib.

Günel Məlikzadə