İohannis NATO liderliyi yarışından çəkilib

NATO-nun baş katibi Yens Stoltenberqin səlahiyyət müddətinin 10 ildən sonra oktyabrın 1-də başa çatması planlaşdırıldığı halda, onun yerinə təyinat səbirsizliklə gözlənilir.

News24.az xəbər verir ki, NATO-nun baş katibi vəzifəsinə namizəd olan Rumıniya prezidenti Klaus İohannis namizədliyini geri götürdüyünü açıqlayıb.

İohannisin qərarı paytaxt Buxarestdə keçirilən Ali Müdafiə Şurasının iclasından sonra verilib.

“Prezident İohannis keçən həftənin sonunda NATO müttəfiqlərini NATO Baş Katibliyinə namizədliyini geri götürdüyü barədə xəbərdar edib”, - bəyanatda deyilir.

İohannisin namizədliyini geri götürməsindən sonra Rumıniyanın Ali Müdafiə Şurasının Hollandiyanın baş naziri Mark Rutteni NATO baş katibi vəzifəsinə dəstəkləyəcəyi açıqlanıb.

NATO-da baş katibin seçilməsi yekdilliklə keçirilir, ona görə də istənilən namizəd 32 müttəfiqin hamısının dəstəyinə ehtiyac duyur.

Günel Məlikzadə