Kadırovun reaksiyası: Onların nə dini, nə də milliyyəti var

Çeçenistan rəhbəri Ramzan Kadırov Dağıstandakı hücumları dinlər arasında fikir ayrılığı yaratmaq cəhdi adlandırıb.

News24.az Publika.az-a istinadla xəbər verir ki, Kadırov bu barədə öz Telegram kanalında yazıb.

“Terrorçular bir daha əsl alçaq və qorxaq mahiyyətlərini nümayiş etdirdilər. Eyni zamanda, həmişə olduğu kimi, silahsız və müdafiəsiz insanlar qurban seçilib. Baş verənlər iyrənc təxribat və dinlər arasında nifaq salmaq cəhdinə bənzəyir”, - Çeçenistan rəhbəri bildirib.

Kadırovun sözlərinə görə, Dağıstanda terror aktını törədənlərin “nə dini, nə də milləti var”, onlar insan deyillər və onları yerindəcə məhv etmək lazımdır.

"Çeçenistan hakimiyyəti yaraqlıların tutulması üçün hər cür yardım göstərməyə hazırdır", - o qeyd edib.

Xatırladaq ki, ötən gün Mahaçqala və Dərbənddə polis məntəqəsinə, pravoslav kilsələrinə və sinaqoqlara silahlı basqınlar olub, nəticədə 17 polis, mülki şəxslər həlak olub, bir keşiş vəhşicəsinə öldürülüb.

Dağıstanda üç günlük matəm elan edilib.