Azərbaycanda vəzifəli şəxs 12 qadınla birgə… - ŞOK FAKTLAR

Balakən rayon Təhsil Şöbəsinin sabiq rəhbəri Dibirov Mahir Tacəddin oğlu barəsində cinayət işi başlanıb.

News24.az-ın məlumatına görə, ona Azərbaycan Respublikası Cinayət Məcəlləsinin 179.3.2-ci (külli miqdarda ziyan vurmaqla mənimsəmə) maddəsi ilə ittiham elan edilib. Onunla yanaşı qohumu və yaxını olan 12 qadın da təqsirləndirilən şəxs qismində məhkəmə prosesinə cəlb edilib. 

Bunlar Balakən rayonunun təhsil işçiləri Maral Əliyeva, Havva Hacıyeva, Elmira Benqerova, Gülbuta Əliyeva, Laura Mustafayeva, Ximisət Zeynalova, Gülnisə Xəlilova, Həlimat Xəlilov, Bəsti Layıcova, Pirdaş Ağcayeva, Meysarat Dibirova, Ayşa Emciyavadır. 

Qeyd edək ki, cinayət işinin materialları baxılması üçün Şəki Ağır Cinayətlər Məhkəməsinə göndərilib. Proses hakim Rəşad Əliyevin sədrliyi ilə keçiriləcək.