UEFA Avropa Liqasının final oyunu ilə əlaqədar bəzi dəmir yolu reysləri LƏĞV EDİLƏCƏK

UEFA Avropa Liqasının final oyunu ilə əlaqədar bəzi dəmir yolu reysləri ləğv ediləcək.

"Azərbaycan Dəmir Yolları" QSC-nin mətbuat xidmətindən News24.az-a verilən məlumata görə, oyunu izləmək üçün futbol həvəskarlarının və digər aidiyyəti qonaqların Gürcüstandan Bakıya və geriyə daşınmasını həyata keçirmək üçün mayın 28-də saat 22:35-də Tbilisidən Bakıya və mayın 30-da saat 08:00-da Bakıdan Tbilisiyə əlavə sərnişin qatarı təyin ediləcək.

Qeyd edilən əlavə qataraların təyin edilməsi ilə əlaqədar Bakıdan mayın 27-də, geriyə Qazaxdan mayın 28-də hər iki istiqamətdə 98/97 saylı Bakı-Qazax-Bakı qatarı bir reysə ləğv edilir.

Mayın 29-da Bakıdan bir istiqamətdə 98 nömrəli Bakı-Qazax qatarının hərəkəti bir istiqamətdə ləğv edilir.

Eyni zamanda Bakıdan mayın 30-u, geriyə Astaradan mayın 31-i bir reysə 660/659 nömrəli Bakı-Astara-Bakı qatarı ləğv edilir.